Ní féidir leat an t-iarratas seo a chur isteach ach amháin má tá iarratas déanta agat ar Chéim 1 de Chuid 1 de Chuideachta Damhsa Nua 2023 agus go bhfuil treoir tugtha duit iarratas a chur isteach chuig 2023 Cuideachta Damhsa Nua Céim 2.

Is iad cuspóirí an tionscnaimh seo ná príomhchompántas damhsa neamhspleách nua a bhunú, atá tiomanta i dtreo léiriú damhsa ar gach scála, fostú rinceoirí a choimisiúnú, chomh maith le camchuairteanna náisiúnta, Thuaidh/Theas agus idirnáisiúnta.

Is tionscnamh é an ghairm tograí seo, tionscnamh de chuid na Comhairle Ealaíon chomh maith le toradh Bheartas Damhsa na Comhairle Ealaíon: Rince Chun Cinn 2022-2025. Is cuspóir dár gcuid é go nglacfaidh an t-iarratas/togra rathúil faoi ghníomhaíochtaí a dhéantar ar bhonn uile-oileáin. I gcomhthéacs thosaíochtaí straitéiseacha na Comhairle Ealaíon maidir leis an ealaíontóir agus rannpháirtíocht an phobail, ba cheart do phríomhchuspóirí agus cláir an chompántais nua cur go cuí le forbairt gairmithe damhsa agus le forbairt na foirme ealaíne in Éirinn agus lucht féachana á fháil, á fhorbairt agus á éagsúlú le haghaidh damhsa sa ghearrthréimhse, sa mheántréimhse agus san fhadtréimhse.

Compántas Damhsa Nua – Tuarascáil FII 

Choimisiúnaigh an Chomhairle Ealaíon an tuarascáil seo agus bronnadh í ar Fhéile agus Imeachtaí Idirnáisiúnta (FII). Is athbhreithniú neamhspleách í an tuarascáil seo, a bhfuil mar aidhm aici iarratasóirí a chuidiú, agus a mbunófar compántas damhsa lánaimseartha nua in Éirinn dá bharr mar atá molta ag Beartas Damhsa na Comhairle Ealaíon 2022 - Rince Chun Cinn. Déanann an tuarascáil achoimre ar an taighde, leagann sé paraiméadair fhéideartha amach don chompántas nua agus luann sé cuir chuige fhéideartha dá reáchtáil. Tá sé d’aidhm aici cabhair a thabhairt do Chomhairle Ealaíon na hÉireann a chuid smaointeoireachta faoin gcompántas a fhorbairt, chomh maith le hiarratasóirí féideartha chun tuiscint a fháil ar an gclár is dóigh a bheidh ag an gcompántas, ar an timpeallacht ina bhfeidhmeoidh sé agus ar réimse a chuid deiseanna agus acmhainneachta..

Laistigh den tuarascáil seo, chuaigh an FII i gcomhairle go forleathan leis an earnáil damhsa i bPoblacht na hÉireann, i dTuaisceart Éireann agus go idirnáisiúnta agus léiríonn an tuarascáil seo torthaí an chomhairliúcháin seo. Ní thugann na buiséid agus na scálaí tuarastail laistigh den tuarascáil seo le fios go bhfuil teorann nó sprioc ann, agus is léiriú iad ar thaighde an údair, rud a bhfuil i gceist aige pleanáil airgeadais féideartha a thaispeáint agus ní moltaí iad arna n-eisiúint ag an gComhairle Ealaíon.   

Íoslódáil an tuarascáil iomlán:Compántas Damhsa Nua - Tuarascáil FII