Cuirtear fáilte roimh iarratais ar thograí a bhfuil sé mar aidhm acu maoiniú a fháil chun tacú le camchuairt saothair ar fud na réimsí foirme ealaíne agus cleachtais ealaíne le haghaidh camchuairteanna a bheidh ar siúl i bPoblacht na hÉireann agus a thosóidh idir mí Eanáir agus mí na Nollag 2024.     

Tabhair faoi deara go bhfuil athbhreithniú á dhéanamh ag an gComhairle Ealaíon faoi láthair ar an mbealach a maoinímid camchuairteanna agus tá sé i gceist paraiméadair na dámhachtana seo a athrú. Measaimid an t-athrú a bheith mar chuid lárnach dár ról mar an ghníomhaireacht forbartha do na healaíona in Éirinn. Bíonn na sonraí a chuireann an earnáil ar fáil mar bhonn eolais ag athruithe ar ár gcinnteoireacht agus ár gceapadh beartas. 

Cad atá athraithe don bhabhta seo?

• Tá cuspóirí agus tosaíochtaí na dámhachtana seo ailínithe níos dlúithe againn le straitéis na Comhairle Ealaíon, Saothar Ealaíne Iontach a Tháirgeadh;
• Glacfar le hiarratais le haghaidh camchuairteanna ar fud 2024; 
• Rinneamar caighdeánú ar an ábhar tacaíochta éigeantach a theastaíonn ó gach iarratasóir – tá roinnt eisceachtaí ann, mar sin, léigh an treoir seo go cúramach
• Chuireamar réimse foirme ealaíne iarratais nua leis (MDA / Rannpháirtíocht sna hEalaíona / YPCE). Iarratasóirí a chuireann béim ar leith ar rannpháirtíocht sna healaíona nó ar Dhaoine Óga, Leanaí agus Oideachas, ba cheart do na hiarratasóirí sin an rogha sin a roghnú mar a bpríomhréimse foirme ealaíne;
• Tá ár bpróisis mheasúnaithe agus chinnteoireachta ailínithe againn chun cloí le nós imeachta piarphainéil na Comhairle Ealaíon.

Má tá aon cheisteanna ginearálta agat maidir leis an scéim seo, déan teagmháil le muireann.walsh@artscouncil.ie.    
Má tá aon cheisteanna agat a bhaineann go sonrach le foirmeacha ealaíne nó le cleachtais ealaíon, cuir ríomhphost chuig an bhfoireann ábhartha le do thoil. Tá na sonraí teagmhála ar fad ar leathanach Teagmhálacha shuíomh gréasáin na Comhairle Ealaíon.