Is comhpháirtíocht é an tionscadal seo idir an Roinn Turasóireachta, Cultúir, Ealaíon, Gaeltachta, Spóirt agus Meán agus an Chomhairle Ealaíon.

Cuspóirí agus tosaíochtaí na dámhachtana

Tá sé i gceist ag Imeachtaí ar siúl Deireanach san Oíche (Clár Píolótach) 2023 an tairiscint maidir le gníomhaíocht deireanach san oíche a leathnú níos mó agus a éagsúlú agus deiseanna a chur ar fáil do shaothar nua agus corraitheach, chun lucht féachana nua a spreagadh dul i dtreo áiseanna cultúrtha reatha. Féachann sé freisin le haon dúshlán a d’fhéadfadh ionaid tionóil a cheangal le fanacht ar oscailt deireanach a shainaithint, agus dul i ngleic leis na dúshláin chéanna.

Déanfaidh an clár píolótach na nithe seo a leanas:

• Déanfar comhpháirtíochtaí nua a spreagadh idir údaráis áitiúla, ionaid ealaíon, féilte, léiritheoirí, ionaid tionóil agus ealaíontóirí eile tráchtála agus neamhthráchtála, go háirithe iad siúd a oibríonn deireanach san oíche
• Tacaíocht a thabhairt do chuir chuige nuálacha agus bhreise maidir le gníomhaíochtaí ealaíon san oíche
• Cur le rannpháirtíocht lucht féachana agus é a éagsúlú agus a leathnú
• Féachaint le dúshláin a aithint agus a shárú a bhíonn roimh ionaid tionóil agus spásanna cultúrtha, dúshláin a bhaineann le hoscailt go deireanach
• Troid go láidir ar son cur chuige áitbhunaithe a chuirfidh leis an earnáil reatha ealaíon i ngach baile nó cathair
• Tacaíocht a thabhairt d’aon idirghabhálacha NTE a d’fhéadfadh a bheith i bhfeidhm (i.e. comhairleoirí píolótacha NTE)
• Tacaíocht a thabhairt d’imeachtaí a chuirtear chun cinn ar costas réasúnta do lucht féachana
• Tacaíocht a thabhairt d’imeachtaí a íocann ealaíontóirí agus oibrithe cruthaitheacha go cothrom.

Samplaí de shamhlacha féideartha:

• Ionaid Ealaíon a bhunaíonn sraith imeachtaí i gcomhar le daoine cruthaitheacha/eagraithe áitiúla sa chás go bhfuil imeacht níos túisce sa tráthnóna san ionad ealaíon ceangailte le himeacht níos deireanaí in ionad tionóil eile. Bíonn an clár píolótach ar siúl ar feadh líon socraithe seachtainí.
• Gailearaí a chuireann sraith imeachtaí sna hamharc-ealaíona/imeachtaí ceoil chun cinn ó 23:00 ar aghaidh
• Ionaid Ealaíon a chuireann tacaíocht riaracháin agus tacaíocht forchostais ar fáil do phoiblitheoir áitiúil a chuireann imeachtaí ceoil ar siúl go deireanach san oíche ar stáitse in ionaid tionóil fhoirmiúla nó neamhfhoirmiúla
• Sraith imeachtaí ealaíon leictreonach/tíre/comhaimseartha in ionaid tionóil dhifriúla i gcomhar le comhairleoir NTE agus poiblitheoirí áitiúla.

Cé atá i dteideal iarratas a dhéanamh?

Ní mór don phríomhpháirtí a bheith mar ionad ealaíon a fuair Maoiniú d’Ionaid Ealaíon de chuid na Comhairle Ealaíon nó Maoiniú Deontais do na hEalaíona (na hionaid ealaíon) ag pointe éigin le cúig bliana anuas. D’fhéadfadh imeachtaí a bheith ar siúl sna hionaid ealaíon nó gan a bheith: d’fhéadfadh páirt lárnach a bheith ag an ionad ealaíon nó feidhmiú go simplí mar riarthóir don chlár píolótach.

Ar na comhpháirtithe d’fhéadfadh poiblitheoirí áitiúla, comhairleoirí oíche údaráis áitiúil, oibreoirí tob-ionaid tionóil, ionaid ealaíon eile, ionaid féilte tráchtála agus neamhthráchtála, léiritheoirí agus ealaíontóirí a bheith san áireamh.

Cad ar féidir leat iarratas a dhéanamh air?

Na costais a bhaineann le himeachtaí deireanach san oíche a chur chun cinn agus a chur ar stáitse in aon fhoirm ealaíne (is imeachtaí deireanach san oíche iad siúd tar éis c. 22:00 agus a leanann ar aghaidh tar éis meán oíche).

Teastaíonn liosta iomlán costas agus ioncaim ón iarratas, a mheasfar le haghaidh féidearthachta, inacmhainneachta do lucht féachana, táillí féaráilte d’ealaíontóirí agus pearsanra cruthaitheach, etc.

Beidh suas le €60,000 ar fáil don phríomhionad ealaíon le haghaidh cláreagraithe.