Is é príomh-chuspóir na dámhachtana a chur ar chumas eagraíochtaí in Éirinn a bhain maoiniú amach i gcomhair gníomhaíochtaí ealaíonta faoi shnáitheanna na dTionscadal Comhoibrithe agus na nArdán Eorpach de chuid Chlár na hEorpa Cruthaithí 2021-2027, iarratas a dhéanamh ar chómhaoiniú.

Breithneofar maoiniú chun tacú leis na gnéithe sin de ghníomhaíochtaí ealaíon in Éirinn atá i gcomhréir le cuspóirí agus tosaíochtaí na dámhachtana seo.

Níl an dámhachtain seo oscailte ach amháin d’eagraíochtaí ealaíon in Éirinn a fuair tairiscint ar mhaoiniú, mar Chomhordaitheoir Ceannaireachta nó mar Chomhpháirtí, ó Thacaíocht d’Ardáin de chuid na hEorpa Cruthaithí in 2021 agus do Thionscadail Chomhoibrithe in 2021 agus 2022.  

Tá cuspóirí agus tosaíochtaí na dámhachtana seo i gcomhréir le straitéis na Comhairle Ealaíon,Saothar Ealaíne Iontach a Tháirgeadh 2016–2025 agus is éard atá iontu:

• Tionscadail a thugann aitheantas don luach a bhaineann le caidrimh agus le cleachtas idirnáisiúnta don eagraíocht agus d’ealaíontóirí ar leithligh
• Tionscadail a léiríonn cur chun cinn agus forbairt dea-chleachtais sa réimse maidir le forbairt lucht féachana/éisteachta, chomh maith le rannpháirtíocht an phobail a fheabhsú agus a fhás;
• Tionscadail a chuidíonn lena chinntiú go mbíonn earnáil na n-ealaíon oilte, acmhainneach agus tiomanta dá hathnuachan féin.

Ní bheidh iarratais ó eagraíochtaí nach eagraíochtaí ealaíon iad incháilithe ach amháin sa chás gur sainaithníodh eagraíochtaí ealaíon in Éirinn mar rannpháirtí sa tionscadal agus sa chás go n-úsáidfear tacaíocht ón gComhairle Ealaíon chun leasa ghníomhaíochtaí ealaíon Éireannaí de chuid na heagraíochta ealaíne. Ní mór iarratais ar an Dámhachtain Chómhaoinithe a dhéanamh do Thionscadail Chomhoibrithe nó d’Ardáin Eorpacha sa bhliain féilire chéanna a bhfaightear tairiscint ar mhaoiniú ón EACEA.