Cuirtear fáilte roimh iarratais ar thograí a bhfuil sé mar aidhm acu maoiniú a fháil chun tacú le camchuairt saothair ar fud na réimsí foirm ealaíne agus cleachtais ealaíne le haghaidh camchuairteanna a bheidh ar siúl i bPoblacht na hÉireann agus a thosóidh in 2024.

Cuirfear tús leis an tréimhse inar féidir iarratais a chur isteach ar an 20 Nollaig 2022, agus is é an 02 Feabhra, 2023, ag 5.30pm an spriocdháta.

Tá athbhreithniú á dhéanamh ag an gComhairle Ealaíon faoi láthair ar an mbealach a maoinímid camchuairteanna agus tá sé i gceist paraiméadair na dámhachtana seo a athrú. Measaimid an t-athrú a bheith mar chuid lárnach dár ról mar an ghníomhaireacht forbartha do na healaíona in Éirinn. Bíonn na sonraí a chuireann an earnáil ar fáil mar bhonn eolais ag athruithe ar ár gcinnteoireacht agus ár gceapadh beartas.

Cad atá athraithe don bhabhta seo?

• Tá cuspóirí agus tosaíochtaí na dámhachtana seo ailínithe níos dlúithe againn le straitéis na Comhairle Ealaíon, Saothar Ealaíne Iontach a Tháirgeadh.
• Rinneamar caighdeánú ar an ábhar tacaíochta éigeantach a theastaíonn ó gach iarratasóir – tá roinnt eisceachtaí ann, mar sin, léigh an treoir seo go cúramach.
• Chuireamar réimse foirme ealaíne iarratais nua leis (YPCE/AP/MDA). Iarratasóirí a chuireann béim ar leith ar rannpháirtíocht sna healaíona nó ar Dhaoine Óga, Leanaí agus Oideachas, ba cheart do na hiarratasóirí sin an rogha sin a roghnú mar a bpríomhréimse foirme ealaíne.

• Tá ár bpróisis mheasúnaithe agus chinnteoireachta ailínithe againn chun cloí le nós imeachta piarphainéil na Comhairle Ealaíon.

Féach an Scéim Camchuairte Saothair 2024 – Treoirlínte Réamhphleanála d’Iarratasóirí le haghaidh sonraí faoin scéim lena n-áirítear tosaíochtaí, agus beidh fáil ar na treoirlínte sin ar an leathanach seo ó lár mhí na Nollag 2022. 

Reáchtálfaimid clinic eolais ar líne i lár mhí Eanáir 2023 maidir leis an Scéim Camchuairte Saothair 2024 - Réamhphleanáil.   Foilseofar tuilleadh sonraí i nuachtlitir Eanáir 2023 againn agus ar ár gcuntais meán sóisialta. 

Má tá aon cheisteanna agat maidir leis an scéim seo, déan teagmháil le suzanne.ring@artscouncil.ie.  

Má tá aon cheisteanna agat a bhaineann go sonrach le foirmeacha ealaíne nó le cleachtais ealaíon, cuir ríomhphost chuig an bhfoireann ábhartha le do thoil. Tá na sonraí teagmhála ar fad ar leathanach Teagmhálacha shuíomh gréasáin na Comhairle Ealaíon.

Cáipéisí le huaslódáil chuig an leathanach gréasáin: (go luath i mí na Nollag / i lár mhí na Nollag nuair a dhéanfar iad a thástáil)